გოგა ხაჩიძე და კობა სუბელიანი ხვალ გორში კომპაქტურად ჩასახლებული დევნილებისთვის განაშენიანების მასშტაბურ აქციაში მიიღებენ მონაწილეობას.

როგორც `ინტერპრესნიუსს~ გარემოს დაცვის სამინისტროდან აცნობეს, აქცია გორში გარემოს დაცვისა და ბუნებრივი რესურსების სამინისტროს ინიციატივით მიმდინარე პროექტის - „დარგე ხე - გაამწვანე შენი გარემო“, ფარგლებში გაიმართება.

განაშენიანების ყველაზე მასშტაბური აქცია ე.წ. „ვერხვების დასახლებაში“ ჩატარდება.

კომპაქტურად ჩასახლებულ დევნილებს გარემოს დაცვის მინისტრი გოგა ხაჩიძე;; თავად ესტუმრება და 2000-მდე წიწვოვანი ჯიშის, იფანის, ნუშისა და ნეკერჩხლის ნერგებს საჩუქრად გადასცემს. განაშენიანების აქციაში სამინისტროს წარმომადგენლებთან ერთად,; ლტოლვილთა და განსახლების მინისტრი კობა სუბელიანი მიიღებს მონაწილეობას.

ამასთან, გორში დევნილებით დასახლებულ ადგილებში, გარემოს ეროვნული სააგენტოს სპეციალისტები სასმელი წყლისა და ჰაერის სინჯებსაც აიღებენ და სპეციალური აპარატურის საშუალებით ლაბორატორიულად ადგილზე შეამოწმებენ.

ე.წ. „ვერხვების დასახლებაში“ იძულებით გადაადგილებულ პირთათვის საცხოვრებელი სახლების მშენებლობა გერმანიის ტექნიკური თანამშრომლობის (GTZ) პროექტის ფარგლებში განხორციელდა.;;;

;