საკონსტიტუციო კომისიის ხელმძღვანელის, ავთანდილ დემეტრაშვილის მტკიცებით, კომისიის ფარგლებში შემუშავებული პროექტები სწორედ პარლამენტის როლის გაძლიერებას გულისხმობს.
როგორც დემეტრაშვილმა დღეს ჟურნალისტებს განუცხადა, პარლამენტს უნდა შეეძლოს, კონტროლი გაუწიოს, როგორც მთავრობის, ისე პრეზიდენტის გადაწყვეტილებებს.
რაც შეეხება სასამართლოს, დემეტრაშვილის თქმით, საკონსტიტუციო პროექტი პარლამენტს მოსამართლეების უვადოდ დანიშვნის უფლებასაც ანიჭებს.
“ასევე, საუბარია საკონსტიტუციო სასამართლოსთვის უფლების მიცემაზე, დაადგინოს საერთო სასამართლოების მიერ მიღებული გადაწყვეტილებების კონსტიტუციურობა”, - დასძინა საკონსტიტუციო კომისიის თავმჯდომარემ.
ავთანდილ დემეტრაშვილი ახალი საკონსტიტუციო პროექტის პარლამენტში ინიცრებას საშემოდგომო სესიისთვის ვარაუდობს.
ვენეციის კომისიის ხელმძღვანელი ჯანი ბუკიკიო პარლამენტის როლის გაძლიერების რეკომენდაციას იძლევა.
;