“ყაზბეგისა” და “ზემო ლარსის” სასაზღვრო-გამშვები პუნქტები დღეიდან ამოქმედდება

“ყაზბეგისა”(საქართველოს) და “ზემო ლარსის” (რუსეთის ) სასაზღვრო-გამშვები პუნქტები დღეიდან ამოქმედდება.

განმარტებები პუნქტებზე მიმოსვლის განახლების პირობების შესახებ საქართველოს საგარეო საქმეთა მინისტრის მოადგილემ ალექსანდრე ნალბანდოვმა შაბათს გააკეთა. მისი განცხადებით, "ყაზბეგის" (საქართველო) გამშვები პუნქტის გავლით პირების, სატრანსპორტო საშუალებების, ტვირთების, საქონლისა და ცხოველების გატარება განხორციელდება საქართველოს მოქმედი კანონმდებლობის შესაბამისად.

"ზემო ლარსის" (რუსეთის ფედერაცია) გამშვები პუნქტის გავლით პირების, სატრანსპორტო საშუალებების, ტვირთების, საქონლისა და ცხოველების გატარება; კი, რუსეთის ფედერაციის კანონებისა და წესების შესაბამისად განხორციელდება.

გამშვები პუნქტები გახსნილი იქნება ყოველდღიურად, 1-ელი მარტიდან 1-ელ ნოემბრამდე პერიოდში - 06.00-დან 22.00 საათამდე, ხოლო 1-ელი ნოემბრიდან 1-ელ მარტამდე პერიოდში - 07.00-დან 19.00 საათამდე.

კლიმატური პირობების გათვალისწინებით, 1-ელი ნოემბრიდან 1-ელ მაისამდე, დაშვებულია გამშვები პუნქტების გავლით მისაბმელიანი და ნახევრადმისაბმელიანი სატვირთო ავტოსატრანსპორტო (სატრანსპორტო) და 30 ადგილზე მეტი რაოდენობის სამგზავრო სატრანსპორტო საშუალებების მოძრაობის შეზღუდვა.

ამასთან, გამშვებ პუნქტებზე აკრძალულია სახელმწიფო საზღვრის ფეხით გადაკვეთა. ერთ-ერთი მხარის მიერ ავტოსატრანსპორტო საშუალების გატარებაზე უარის შემთხვევაში, მეორე მხარე ნებას მისცემს, აღნიშნული ავტოსატრანსპორტო საშუალება დაუბრკოლებლად და დაუყოვნებლივ დაბრუნდეს საკუთარ ტერიტორიაზე.

"ყაზბეგი" (საქართველო) გამშვებ პუნქტზე არ გაიცემა საქართველოს ვიზები.

როგორც ნალბანდოვმა განმარტა, შესაბამისი შეთანხმება 2009 წლის 28 ოქტომბერს ერევანში, სომხეთის მხარის შუამავლობით და 2009 წლის 23 დეკემბერს "ყაზბეგის" გამშვებ პუნქტზე, შვეიცარიის მხარის მონაწილეობით, საქართველოსა და რუსეთის ექსპერტთა შეხვედრებზე შედგა.;

აღნიშნულის თაობაზე საქართველოს საგარეო საქმეთა სამინისტრომ ნოტით შეატყობინა საქართველოში შვეიცარიის საელჩოს, ხოლო რუსეთის ფედერაციის საგარეო საქმეთა სამინისტრომ - შვეიცარიის საელჩოს რუსეთის ფედერაციაში.

"ყაზბეგის" (საქართველო) გამშვებ პუნქტზე საქართველოს ვიზები არ გაიცემა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024