“დაიცავი საქართველოს” ლიდერის ლევან გაჩეჩილაძის განცხადებით, ამ ეტაპისთვის საქართველოში ოპოზიციის განხილვის მთავარი თემა უნდა იყოს “მოდელირებული ქრონიკა” და არა არჩევნებში მონაწილეობა-არმონაწილეობის საკითხი.

როგორც გაჩეჩილაძემ სასტუმრო “თბილისი მარიოტში” ოპოზიციის შეკრებაზე განაცხადა, მნიშვნელოვანია კონკრეტულად საქართველოს და თითოეული მოქალაქის დაცვა ავადმყოფური რეჟიმისგან. მთელი ოპოზიციური სპექტრი ამ საკითხის ირგვლივ უნდა გაერთიანდეს.

“მნიშვნელობა არა აქვს, ვინ მონაწილეობს და ვინ არ მონაწილეობს არჩევნებში. მთავარია, ამ საკითხის ირგვლივ გაერთიანება. უნდა გამოვარკვიოთ, როგორ ვებრძოლოთ შიზოფრენიკს”, - განაცხადა ლევან გაჩეჩილაძემ.