თბილისის მერმა, გიგი უგულავამ და "ყაზტრანსგაზ-თბილისის" სპეციალურმა მმართველმა ანი თაქთაქიშვილმა; დედაქალაქის მოსახლეობისთვის პირველი აპრილის ჩათვლით არსებული დავალიანების რესტრუქტურიზაციის პირობებზე პრესკონფერენცია გამართეს.

როგორც გიგი უგულავამ განაცხადა, დედაქალაქის მერიამ და კომპანია "ყაზტრანსგაზ-თბილისმა", მოსახლეობის თხოვნის გათვალისწინებით, ბუნებრივი აირის დავალიანების რესტრუქტურიზაციის გეგმა შეიმუშავეს, რომელიც აბონენტებს დავალიანების სრულად დაფარვაში დაეხმარება.

რესტრუქტურიზაციის მსურველმა აბონენტებმა 14 მაისამდე უნდა მიმართონ "ყაზტრანსგაზ-თბილისის" რაიონულ სადისტრიბუციო ცენტრებს, საცხოვრებელი ადგილის მიხედვით.

დავალიანების 20%-ის გადახდის შემდეგ მათთან გაფორმდება ხელშეკრულება ვალის 5 თვეზე; თანაბრად გადანაწილების შესახებ. დავალიანების გადახდა უნდა განხორციელდეს; ყოველთვიურად, მიმდინარე გადასახადთან ერთად.

თბილისის მერიაში აცხადებენ, ეს ინიციატივა 150 000 აბონენტს არსებული დავალიანების გადახდას გაუადვილებს და ბუნებრივი აირით შეუზღუდავად სარგებლობის საშუალებას მისცემს.

დავალიანების რაოდენობა 12 მილიონ ლარს შეადგენს. რესტრუქტურიზაცია მხოლოდ მოსახლეობაზე გავრცელდება და საწარმოებს და დაწესებულებებს არ შეეხება.