გია ბარამია - რუსეთს სურს, აფხაზეთის ე.წ. დამოუკიდებლობა საერთაშორისო დონეზე წარმოადგინოს
რუსეთსა და ოკუპირებულ აფხაზეთს შორის სარკინიგზო მიმოსვლის შესაძლო აღდგენას აფხაზეთის მთავრობის თავმჯდომარე გია ბარამია კიდევ ერთ უკანონობად აფასებს .
როგორც მთავრობის სხდომის დაწყებამდე ბარამიამ განაცხადა, ამ ფაქტს საერთაშორისო საზოგადოების მხრიდან სათანადო რეაგირება უნდა მოჰყვეს.
`რუსეთს სურს, ე.წ. აფხაზეთის ე.წ. დამოუკიდებლობა საერთაშორისო დონეზე წარმოადგინოს, სადაც თითქოს სარკინიგზო მიმოსვლის აღდგენა ხდება. ასეთი ქმედებები განპირობებულია შიდა მოხმარებისთვის და ერთგვარ სახელმწიფოებრიობანას თამაშობენ~, - განაცხადა ბარამიამ.
სოხუმის რეჟიმი და მოსკოვი სარკინიგზო მიმოსვლის განახლებას გეგმავენ. ე.წ. პრეზიდენტის სერგეი ბაღაფშის განცხადებით, სოხუმის რეჟიმი აფხაზეთის რკინიგზას "რუსეთის რკინიგზას" მმართველობაში გადასცემს. ბაღაფშის თქმით, შესაბამისი შეთანხმება უახლოეს მომავალში გაფორმდება.
