მიხეილ სააკაშვილმა ოლეგ ბასილაშვილი დააჯილდოვა

საქართველოს პრეზიდენტმა მიხეილ სააკაშვილმა თეატრისა და კინოს მსახიობი ოლეგ ბასილაშვილი ხელოვნების განვითარებაში შეტანილი განსაკუთრებული წვლილისთვის დააჯილდოვა. ბრწყინვალების საპრეზიდენტო ორდენი მოსკოვის დიდი თეატრის მსახიობს პრეზიდენტის სასახლეში გადაეცა. პრეზიდენტმა სააკაშვილმა დაჯილდოების ცერემონიაზე მსახიობის იმ განსაკუთრებულ წვლილზე ისაუბრა, რომელიც ბასილაშვილმა ქართულ-რუსულ ურთიერთობებში შეიტანა.

"ვფიქრობ, რაც თქვენ გააკეთეთ, არა მარტო იმიტომ, ქართველი ხართ, არამედ თქვენი საზოგადოებრივი მოღვაწეობისას ჩვენს ხალხებს შორის ურთიერთობების გაუმჯობესებისა და დაახლოებისთვის, ამის დაფასება შეუძლებელია _ განსაკუთრებით იმ დროს, როცა სხვა მოღვაწეები ბევრს აკეთებდნენ ხალხების ერთმანეთისგან დასაშორებლად", _ განაცხადა მიხეილ სააკაშვილმა.

მისივე თქმით, ხალხების ცხოვრებაში არის პერიოდები, როცა წინ თითქმის გადაულახავი პრობლემებია, მაგრამ რაც უნდა მოხდეს, მათ ერთმანეთი არ უნდა დაკარგონ.

"გადმოგცემთ ამ ორდენს ხელოვნების განვითარებაში შეტანილი განსაკუთრებული წვლილისთვის, ამავდროულად, ჩვენი ხალხების ურთიერთობაში შეტანილი განსაკუთრებული წვლილისთვის და ქართველი ხალხის მადლიერების ნიშნად, რომელსაც არ უნდა დაავიწყდეს ისინი, ვინც რთულ მომენტში სამოქალაქო პოზიციაზე _ მეგობრობისა და სამართლიანობის მხარეს იდგა", _ განაცხადა საქართველოს პრეზიდენტმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს