საქართველომ ხორვატია 1:0 დაამარცხა

საქართველოს ფეხბურთელთა ნაკრებმა, ხორვატიის ნაკრები ბორის პაიჭაძის სახელობის ეროვნულ სტადიონზე, ანგარიშით 1:0 დაამარცხა .

ამ გამარჯვებით საქართველოს ნაკრებმა ევროპის 2012 წლის გათამაშების შესარჩევ ეტაპზე მნიშვნელოვანი გამარჯვება მოპიოვა. ქართველებმა ჯგუფის ლიდერი და ევროპის გუნდებს შორის ერთ-ერთი გამორჩებული, ხორვატიის ნაკრები დაამარცხეს.

ბორის პაიჭაძის სახელობის ეროვნულ სტადიონზე გულშემატკივრების სრული ანშლაგი იყო. 90 წუთის განმავლობაში ქართველი გულშემატკივარი თავის გუნდს აქტიურად ქომაგობდა. მატჩის პირველი ტაიმი ხორვატიის ნაკრების უპირატესობით წარიმართა, თუმცა მეორე ტაიმში ქართველმა ფეხბურთელებმა მოახერხეს შეხვედრაში გარდატეხის შეტანა.

დაახლოებით ბოლო ნახევარი საათის განმავლობაში, მათი სათამაშო უპირატესობა აშკარა გახდა, რასაც შეხვედრის ბოლო წინა წუთზე, 89-ე წუთზე ლევან კობიაშვილის გოლი მოყვა.

გოლის შემდეგ, ქართველების კართან ბოლო წუთებში რამდენიმე სახიფათო მომენტი შეიქმნა. ხორვატ ფეხბურთელებს ჰქონდათ შანსი იმისა, რომ ანგარიში გაეთანაბრებინათ, თუმცა საბოლოოდ მათ ეს ვერ მოახერხეს და შეხვედრა ქართველი ფეხბურთელების გამარჯვებით დასრულდა.

მატჩს ესწრებოდა საქართველოს პრეზიდენტი მიხეილ სააკაშვილი, რომელიც ბოლო წუთებზე ფეხზე მდგომი გულშემატკვირობდა ნაკრებს და მატჩის დამთავრების მოლოდინში, საათზე იყურებოდა.

საფეხბურთო ზეიმმა ბორის პაიჭაძის სახელობის ეროვნული სტადიონის ტრიბუნებიდან თბილისის ქუჩებში გადაინაცვლა. ქუჩებში ხალხი ერთმანეთს გამარჯვება სულოცავდა. ავტომანქანები სიგნალით აღნიშნავდნენ ქართველი ფეხბურთელების წარმატებას.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა