გია ნაცვლიშვილმა ძალოსნებს ოლიმპიური ლიცენზიების მოპოვება მიულოცა

საქართველოს ეროვნული ოლიმპიური კომიტეტის პრეზიდენტმა, გია ნაცვლიშვილმა მსოფლიო ჩემპიონატიდან დაბრუნებულ ძალოსნებს ლონდონის 2012 წლის ოლიმპიადის ლიცენზიების მოპოვება მიულოცა.

ნაცვლიშვილი საქართველოს ძალოსანთა ნაკრების წევრებს და მათ მწვრთნელებს ოლიმპიურ კომიტეტში შეხვდა. შეხვედრას ძალოსნობის ეროვნული ფედერაციის ხელმძღვანელი გიორგი ასანიძეც ესწრებოდა.

როგორც ოლიმპიური კომიტეტის პრეზიდენტმა, ასევე ფედერაციის ხელმძღვანელმა აღნიშნინეს, მსოფლიო ჩემპიონატზე ქართველების ამგვარ წარმატებას არ ელოდნენ და შედეგით კმაყოფილნი არიან.

მათი თქმით, ლიცენზიების განახლების შემდეგ ჯერი ოლიმპიური თამაშებისთვის სპორტსმენების უკეთ მომზადებაზეა და ამ მიმართულებით მუშაობა აქტიურად დაიწყება.

პარიზში 4-13 ნოემბერს გამართულ მსოფლიო ჩემპიონატზე საქართველოს ნაკრები 6 სპორტსმენით იყო წარმოდგენილი. გია მაჭავარიანმა, ირაკლი თურმანიძემ, დავით გოგიამ, რაულ ცირეკიძემ და ზაშა ტალახაძემ ჯამში 59 ქულა მოაგროვეს, რამაც ნაკრებს ოლიმპიური თამაშების სამი ლიცენზია მოუტანა. ტრავმის გამო ასპარეზობას გამოეთიშა ნაკრების მეექვსე წევრი გიორგი ლომთაძე.

მწვრთნელების განცხადებით, საქართველოს ნაკრებს ცოტა დააკლდა მეოთხე ლიცენზიაზე. კიდევ 8 ქულის მოპოვების შემთხვევაში, ქართველები ლონდონის ოლიმპიურ თამაშებზე 4-კაციანი შემადგენლობით წავიდოდნენ.

უკვე ცნობილია, რომ სამიდან ორი სპორტსმენი, ვინც ოლიმპიადაზე გაემგზავრება გია მაჭავარიანი და ირაკლი თურმანიძე იქნებიან. მესამეს ვინაობა უშუალოდ ოლიმპიური თამაშების წინ, იმის გათვალისწინებით გადაწყდება, რომელი სპორტსმენიც უკეთეს ფიზიკურ ფორმაში იქნება.

დიმიტრი შველიძე - ორიენტაციული არჩევნები გვაქვს, ან გაიმარჯვებენ მედასავლეთეები, ან პროჩრდილოელები, ან მედროვეები
ქართული პრესის მიმოხილვა 01.10.2020
კარლ ჰარცელი - სოფლად ორჯერ მაღალია სიღარიბის მაჩვენებელი, რაც ნიშნავს, რომ ეს საკითხი მეტ ყურადღებას საჭიროებს  - ევროკავშირი მხარს უჭერს საქართველოში სოფლის განვითარებას
"სილქნეტი" მომხმარებელს 29 სექტემბერს მობილურ ქსელში დაფიქსირებული შეფერხების შესახებ ინფორმაციას აწვდის და შექმნილი დისკომფორტისთვის ბოდიშს უხდის
"სილქნეტი" კომპანიის ყოფილ თანამშრომელთა მცირე ჯგუფის მიერ პროვოცირებული ბოლოდროინდელი ქმედებების შესახებ განცხადებას ავრცელებს
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს