ლალი მოროშკინამ შიმშილობა შეწყვიტა, - ამის შესახებ "ინტერპრესნიუსს" მოროშკინას ადვოკატმა ირაკლი კაპანაძემ განუცხადა. მისივე განმარტებით, მოროშკინამ გადაწყვეტილება მამა როსტომ ლორთქიფანიძის თხოვნით მიიღო. ამასთან, ადვოკატის თქმით მამა როსტომის შუამდგომლობით ლალი მოროშკინა და თაკო ფხაკაძე შერიგდნენ.

"მამაო ორივეს ცალ-ცალკე შეხვდა და ორივესგან მიიღო პირობა, რომ ინციდენტი ამოწურულია. ისინი შერიგდნენ", - აღნიშნა ადვოკატმა.

"ინტერპრესნიუსი" "პრაიმ-თაიმის" მთავარ რედაქტორს, თაკო ფხაკაძესაც დაუკავშირდა, თუმცა მან აღნიშნა, რომ მოროშკინასთან დაკავშირებით კომენტარს აღარ გააკეთებს.

თბილისის საქალაქო სასამართლომ ჟურნალისტ ლალი მოროშკინას "ნანუკას შოუს" ჩაწერისას განვითარებული მოვლენების გამო 15-დღიანი პატიმრობა მიუსაჯა. კერძოდ, გადაცემის ჩაწერისას მოროშკინამ ფიზიკური შეურაცხყოფა მიაყენა გაზეთ "პრაიმ თაიმის" დამფუძნებელსა" და მთავარ რედაქტორ თაკო ფხაკაძეს. ფხაკაძის თქმით, მოროშკინას გაღიზიანება იმან გამოიწვია, რომ "პრაიმ თაიმის" ნომინაციაში "ყველაზე უგემოვნო ქალის" ტიტულით მოხვდა. "პრაიმ თაიმის" მთავარი რედაქტორის თქმით, მოროშკინამ მას ყელში ჩანგალი ჩაარტყა. პოლიცია "იმედის" დაცვამ გამოიძახა. თავად მოროშკინა აცხადებს, რომ ფხაკაძემ მას პროვოკაცია მოუწყო. ლალი მოროშკინა ადმინისტრაციულ სასჯელს წინასწარი დაკავების იზოლატორში იხდის. შიმშილობა მან რამდენიმე დღის წინ დაიწყო.

ვიდეო