იამაიკა შესაძლოა, დიდი ბრიტანეთის თანამეგობრობიდან გამოვიდეს და როგორც დამოუკიდებელმა რესპუბლიკამ განაგრძოს განვითარება.

აღნიშნულ ინფორმაციას უცხოური საინფორმაციო სააგენტოები იამაიკის ახლად არჩეული პრემიერ-მინისტრის, პორშია სიმპსონ-მილერის განცხადების საფუძველზე ავრცელებენ.

იამაიკის პრემიერ-მინისტრის თქმით, იამაიკა შესაძლოა, ბრიტანეთის თანამეგობრობიდან გამოვიდეს და რესპუბლიკა გახდეს. თავის გამოსვლაში პორშია სიმპსონ-მილერმა დიდი ბრიტანეთის დედოფალ ელისაბედ მეორის მისამართით ქათინაურები არ დაიშურა და მას უალამაზესი, ბრძენი და შესანიშნავი უწოდა, თუმცა, ისიც აღნიშნა, რომ მოვიდა დრო, "როგორც წარმატებამიღწეულმა დამოუკიდებელმა ნაციამ დამოუკიდებლობის პროცესი დაასრულოს".

იამაიკის პრემიერ-მინისტრის სიტყვებზე ბუკინგემის სასახლის ოფიციალურმა თავმჯდომარემ აღნიშნა, რომ ამ სახელმწიფოს მეთაურის საკითხი ქვეყნის მთავრობის და ხალხის კომპეტენციის ხელშია.