მსოფლიოში ცნობილი ქართველი საბალეტო ვარსკვლავი, ნიკოლოზ ცისკარიძე 7 ივნისს, დიდ საკონცერტო დარბაზში, მარის ლიეპას იუბილესადმი მიძღვნილ კონცერტში მიიღებს მონაწილეობას. აღნიშნული ღონისძიება საქველმოქმედოა და პატრიარქის ლოცვა-კურთხევით იმართება. შემოსული თანხა ლეიკემიითა და აუტიზმით დაავადებული ბავშვების მკურნალობას მოხმარდება.
ღონისძიება თბილისის მერიის პატრონაჟით ტარდება. ამასთან დაკავშირებით, ხვალ, ვასო აბაშიძის სახელობის მუსიკისა და დრამის სახელმწიფო თეატრში, ნიკოლოზ ცისკარიძე პრესკონფერენციას გამართავს.
