"ტელეიმედის" საქმეში ბრალდებულ დავით კეზერაშვილს თბილისის საქალაქო სასამართლომ აღმკვეთი ღონისძიების სახით პატიმრობა შეუფარდა. აღნიშნული გადაწყვეტილება დღევანდელ სასამართლო პროცესზე მოსამართლე გიორგი არევაძემ მიიღო. 

პატიმრობასთან დაკავშირებით შუამდგომლობით მოსამართლეს პროკურორებმა მიმართეს. დაცვის მხარე, დავით კეზერაშვილის ადვოკატი გოგიტა გაბაიძე კი ითხოვდა, რომ მისი დაცვის ქვეშ მყოფს 5 000 ლარიანი გირაო ან აღმკვეთი ღონისძიების არც ერთი სახე არ შეფარდებოდა.

დავით კეზერაშვილი ამჟამად საქართველოში არ იმყოფება.

”იმის გათვალისწინებით, რომ ბრალდებული დავით კეზერაშვილი თავს არიდებს გამოძიებას და სასამართლოს და ამით ხელი ეშლება მართლმსაჯულების განხორცილებას, სასამართლოს მიერ ამ ნაწილში დაკმაყოფილდა ბრალდების მხარის შუამდგომლობა და დავით კეზერაშვილს შეეფარდა პატიმრობა”,-განმარტეს სასამართლოში.