კოალიცია "ქართული ოცნების" ახალგაზრდული ორგანიზაციის ხელმძღვანელად ოთარ აბესაძე დაინიშნა. როგორც "ინტერპრესნიუსს" ოთარ აბესაძემ განუცხადა , მისთვის დიდი პატივია უხელმძღვანელოს პოლიტიკური კოალიცია "ქართული ოცნების" ახალგაზრდულ ორგანიზაციას, წინასაარჩევნოდ, ყველაზე მნიშვნელოვან პერიოდში.
"ჩემთვის დიდი პატივია ვიყო საარჩევნო შტაბის ერთ-ერთი ხელმძღვანელი და ვედგე გვერდზე ისეთ ღირსეულ საპრეზიდენტო კანდიდატს, როგორიცაა გიორგი მარგველაშვილი", - აცხადებს აბესაძე.
ოთარ აბესაძეს გიორგი მარგველაშვილის განათლების მინისტრობის პერიოდში მისი მრჩევლის პოსტი ეკავა.