სარფის საბაჟო გამშვები პუნქტის კონტროლის ზონაში ფსიქოტროპული ნივთიერებების შემცველი მედიკამენტი "ლირიკა" აღმოაჩინეს.

როგორც "ინტერპრესნიუსს" სსიპ "შემოსავლების სამსახურიდან" აცნობეს, საბაჟო დეპარტამენტის წარმომადგენლებმა 36 აბი "ლირიკა" თურქეთიდან შემოსული სომხეთის მოქალაქის, არამ ტ.-ის დათვალიერებისას 23 სექტემბერს აღმოაჩინეს.

საქმე შემდგომი რეაგირებისთვის შსს-ის ცენტრალური კრიმინალური პოლიციის დეპარტამენტის აჭარის ა/რ სამმართველოს გადაეცა.