თბილისში, სიონის სკვერში საქართველოს სახალხო არტისტის,  სოფიკო ჭიაურელის ბიუსტი გაძარცვეს. ბიუსტი ოთხი მცირე ზომის ქანდაკებისგან შედგებოდა, თუმცა ახლა მხოლოდ ორი პატარა ქანდაკება დგას. დანარჩენი ქანდაკებების ადგილი ცარიელია.

სიონის სკვერში მხოლოდ სოფიკო ჭიაურელის მიერ შესრულებული როლების - "მეეზოვის" და "კინტაურის" გამომხატველი პატარა ქანდაკებებია დარჩენილი, მოპარულია "ფუფალას" და "მრეცხავი ვარდოს" ქანდაკებები.

სოფიკო ჭიაურელის ბიუსტი სიონის სკვერში 2009 წელს დაიდგა. მისი ავტორია ლევან ვარდოსანიძე.