გიორგი ღვინიაშვილის უმსგავსო განცხადებები უკვე საინტერესო აღარ არის, - ამის შესახებ ჟურნალისტებს კულტურის მინისტრის მაოდგილე მანანა ბერიკაშვილმა განუცხადა. "პირველად გაიგეთ გიორგი ღვინიაშვილის ეს განცხადება?! გიორგი ღვინიაშვილის განცხადებებზე მე ვერანაირ კომენტარს ვერ გავაკეთებ, რადგან ვფიქრობ, მისი უმსგავსო განცხადებები უკვე საინტერესო აღარ არის", - აღნიშნა ბერიკაშვილმა.

"ნაციონალური მოძრაობის" წევრმა გიორგი ღვინიაშვილმა დღეს გამართა პრესკონფერენცია, სადაც განაცხადა, რომ მანანა ბერიკაშვილის დაბრუნება კულტურის მინისტრის მოადგილის პოსტზე მთელი საზოგადოების შეურაცხყოფაა, ვინაიდან მას რაფალიანცის საქმის პოლიტიკური ნიშნით გამოყენების გამო ბოდიშიც კი არ მოუხდია. "ნაციონალური მოძრაობის" ინფორმაციით, აღნიშნულ თანამდებობაზე მანანა ბერიკაშვილის დაბრუნება, უშუალოდ ყოფილი პრემიერ-მინისტრის, ბიძინა ივანიშვილის ინიციატივაა.