კომპანია "ენერგოპროჯორჯია" დასავლეთ საქართველოში, სტიქიის შედეგად გამოწვეული ელექტროენერგიის მიწოდების პრობლემის აღმოსაფხვრელად მუშაობას განაგრძობს.როგორც "ინტერპრესნიუსს" კომპანიის წარმომადგენელმა ავთანდილ დვალიშვილმა განუცხადა, ამ დროისთვის გათიშულია დაახლოებით 3500 აბონენტი, რომელთა ძირითადი ნაწილი ზემო აჭარის და ქობულეთის აბონენტები არიან.

მისივე ცნობით, წყალდიდობამ ოზურგეთში ერთ-ერთი ქვესადგური დააზიანა. წყალმა ელექტროგადამცემი ბოძი წაიღო. "თავდაპირველად 5000-მდე აბონენტი იყო გათიშული. მათ ნაწილს ელექტროენერგიის მოწოდება აღუდგა. სამუშაოები ახლაც გრძელდება და ხვალ, 08:00 საათიდან ელექტროენერგიის გადამცემი დაახლოებით 1-კილომეტრიანი ალტერნატიული გზის გაყვანა დაიწყება, რის შემდეგაც მოხერხდება ოზურგეთისთვის დენის მიწოდების აღდგენა", - განმარტავენ "ენერგოპროჯორჯია"-ში.