"ახალგაზრდა ადვოკატები" ხვალ ახალ იურიდიულ ბრენდს ,,კაიკაციშვილი & ადვოკატები" დააფუძნებს

ორგანიზაცია "ახალგაზრდა ადვოკატების" სამართლის ჯგუფის მონაწილეობით, ხვალ ახალი იურიდიული ბრენდი ,,კაიკაციშვილი & ადვოკატები" დაფუძნდება. "ახალგაზრდა ადვოკატების" ინფორმაციით, ახალი იურიდიული კომპანიის მიზანია საზოგადოებას შესთავაზოს იურიდიული მომსახურების ახალი სტანდარტები და საქართველოში საადვოკატო მომსახურება, ყველა საზოგადოებრივი სტატუსის მქონე მოქალქისთვის, გახადოს ხელმისაწვდომი.

იურიდიული კომპანიის მთავარი ღირებულება იქნება კლიენტის საუკეთესო ინტერსების დაცვა და ამ მიმართულებით, წარმომადგენლობით ურთიერთობაში დამკვიდრებული პრაქტიკის შეცვლა.

კომპანია ორიენტირებული იქნება პრეცედენტული დავების მიღებაზე. პრიორიტეტი მიენიჭება საკუთრების უფლებასთან, სახელშეკრულებო დავებთან, შრომითი ურთიერთობიდან წარმოშობილ სამართლებრივ საქმეებს. კომპანიას საზოგადოებისთვის ექნება ექსკლუზიური და მნიშვნელოვანი შეთავაზებები, მომსახურების სერვისის ახალი არჩევანი, რომელიც ხვალინდელ პრეზენტაციაზე ცნობილი გახდება. დაგეგმილია კომპანიის ახალი გუნდის წარდგენაც. პრეზენტაციას ადვოკატები, სამართლის სფეროს სპეციალისტები, არასამთავრობო ორგანიზაციები და ჟურნალისტური კორპუსი დაესწრება. ღონისძიება სასტუმრო ,,ვერე პალასში" გაიმართება.

გიორგი გობრონიძე - უკრაინაში გრძელვადიან მშვიდობაზე საუბარი ადრეა, დასავლეთში კი ბოლომდე არ არის გაცნობიერებული ის რისკები, რაც რუსეთიდან უკრაინის და ევროატლანტიკური უსაფრთხოების მიმართულებით მომდინარეობს
ქართული პრესის მიმოხილვა 15.05.2025
„სილქნეტის“ და „საქართველოს ბანკის“ ერთობლივი შეთავაზება sCool და Student ბარათის მფლობელებს