რუსი ოპოზიციონერის, ბორის ნემცოვის ცხედარი მოსკოვის სახაროვის ცენტრიდან უკვე გამოასვენეს. "გმირები არ კვდებიან" - სკანდირებდა სახაროვის ცენტრთან შეკრებილი მოსახლეობა.

ნემცოვის სამოქალაქო პანაშვიდს ოპოზიციონერი პოლიტიკოსები და მთავრობის რამდენიმე წარმომადგენელი, მათ შორის რუსეთის ვიცეპრემიერი, არკადი დვორკოვიჩი, სოფლის მეურნეობის მინისტრი ნიკოლაი ფიოდოროვი და პრემიერ-მინისტრის პრესსპიკერი, ნატალია ტიმაკოვა დაესწრო. პანაშვიდზე მივიდა აშშ-ის ელჩი რუსეთში, ჯონ ტეფტიც.

ბორის ნემცოვს ტროეკუროვის სასაფლაოზე გადაასვენებენ, სადაც ადგილობრივი დროით 15:30 საათზე დაკრძალვის ცერემონია გაიმართება.