ბორის ნემცოვი ტროეკუროვის სასაფლაოზე დაკრძალეს

მოსკოვის ტროეკუროვის სასაფლაოზე რუსი ოპოზიციონერი, ბორის ნემცოვი დაკრძალეს. ამის შესახებ ტელეკომპანია "დოჟდი" იტყობინება.

მანამდე კი, მოსკოვის სახაროვის ცენტრში სამოქალაქო პანაშვიდი გაიმართა. ნემცოვთან გამოსამშვიდობებლად ათასობით მოქალაქე მივიდა. მათ რუსი ოპოზიციონერის პატივსაცემად ყვავილები მიჰქონდათ, რამდენიმე საათის განმავლობაში სახაროვის ცენტრთან ხალხის ნაკადი არ წყდებოდა. პანაშვიდს დაესწრო ოპოზიციონერი პოლიტიკოსები და მთავრობის რამდენიმე წარმომადგენელი, მათ შორის რუსეთის ვიცეპრემიერი, არკადი დვორკოვიჩი, სოფლის მეურნეობის მინისტრი ნიკოლაი ფიოდოროვი და პრემიერ-მინისტრის პრესსპიკერი, ნატალია ტიმაკოვა.

ბორის ნემცოვის დედას პირადად მიუსამძიმრა რუსეთის ყოფილი პრეზიდენტის, ბორის ელცინის მეუღლე ნაინა ელცინამ და შვილმა ტატიანა ელცინა-იუმაშევამ. პანაშვიდზე მივიდა აშშ-ისა და გერმანის ელჩები რუსეთში, ჯონ ტეფტი და რიუდიგერ ფონ ფრიჩიც. რუსეთის პრეზიდენტი და პრემიერ-მინისტრი კი პანაშვიდზე არ გამოჩენილან. რუსული მედიის ცნობით, ვლადიმერ პუტინის სახელით სახაროვის ცენტრში ყვავილების გვირგვინი გაგზავნეს.

ბორის ნემცოვი 27 თებერვალს საღამოს კრემლთან ახლოს ხიდზე მოკლეს. მკვლელობის მომენტში მას თან უკრაინელი მოდელი, 23 წლის ანნა დურიცკაია ახლდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს