მამუკა ვასაძე "ტვ-25"-თან, ხოფის ბაზრობასთან და გია სოსანაშვილის საქმესთან დაკავშირებულ ბრალდებებს პასუხობს

მთავარი პროკურორის პირველი მოადგილე მამუკა ვასაძე "ტვ-25"-თან, ხოფის ბაზრობასთან და გია სოსანაშვილის საქმესთან დაკავშირებულ ბრალდებებს პასუხობს.

როგორც ახლად დანიშნულმა მამუკა ვასაძემ განაცხადა, არასერიოზულია იური ვაზაგაშვილის მკვლელობაში ბრალდებული გია სოსანაშვილისა და მისი ადვოკატის მხრიდან გაკეთებულ განცხადებებზე პასუხი.

"მე აქამდე ვიყავი საგამოძიებო ნაწილის ხელმძღვანელი. იური ვაზაგაშვილის დამამძიმებელ გარემოებებში მკვლელობის საქმე სწორად საგამოძიებო ნაწილის გამოძიებულია. ამ საქმეზე განაჩენიც დამდგარია და სოსანაშვილს მისჯილი აქვს 20 წლით თავისუფლების აღკვეთა. ამ ეტაპზე განაჩენი გასაჩივრებულია სააპელაციო წესით, მხოლოდ სასჯელის ნაწილში. რაც შეეხება ბრალდებებს, ჩვენ გამოძიების ეტაპზევე გადავამოწმეთ თითოეული ის ვერსია, რაც სოსანაშვილმა და ზოგადად დაცვის მხარემ დააყენა. თითოეული ამ ვერსიის ირგვლივ ჩატარდა საგამოძიებო მოქმედება. რაც შეეხება კონკრეტულ ბრალდებებს, გენინსპექციამ შეისწავლა ეს საკითხი", - განაცხადა მამუკა ვასაძემ.

მისი თქმით, ძალადობაზე და ზეწოლაზე სოსანაშვილის მხარის მიერ გამოთქმულ ბრალდებებზე პასუხი არასერიოზული იქნება.

"არასერიოზულია ამ საკითხზე რაიმე პასუხის გაცემა. რა ზეწოლაზეა საუბარი. მთელი გამოძიების და სასამართლო პროცესების განმავლობაში, სოსანაშვილი და მისი ადვოკატი ცდილობდნენ არა მხოლოდ ჩემთან დაკავშირებით, არამედ ვაზაგაშვილის ოჯახის მიმართ ზღვარსგადასულ და ამორალურ ბრალდებებს", - განაცხადა ვასაძემ.

რაც შეეხება "ტვ 25-ის" ხელმძღვანელების ბრალდებებს, მთავარი პროკურორის მოადგილე განმარტავს, რომ ეს ბრალდებები 2013 წლის დეკემბრის პერიოდს ეხება, რა დროსაც იგი პროკურატურის თანამშრომელი არ ყოფილა.

"2015 წლის იანვარში მოვედი, შესაბამისად, ამ საქმესთან იქამდე არანაირი შეხება არ მქონია", - განაცხადა ვასაძემ.

რაც შეეხება ხოფის ბაზრობას, მისი თქმით, ეს საქმე გამოსაძიებლად იმ დანაყოფს საერთოდ არ ჰქონდა, რომელშიც ის მუშაობდა.

"ეს საქმე ჰქონდა თბილისის დანაყოფს, მე ვმუშაობდი აჭარის რეგიონში, ამიტომ შემხებლობა არ მქონია ამ საქმესთან", - განაცხადა მამუკა ვასაძემ.

მედიაში გავრცელებული ინფორმაციით, ხოფის ბაზრობის ხელმძღვანელობა მამუკა ვასაძეს ქონების ჩამორთმევას ედავება.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი