სანდრო ბრეგაძე საქართველოში ერთსქესიანთა ქორწინების წინააღმდეგ გამოდის

დიასპორის საკითხებში სახელმწიფო მინისტრის მოადგილე და მოძრაობა "ეროვნულების" თავმჯდომარე სანდრო ბრეგაძე საქართველოში ერთსქესიანთა ქორწინების წინააღმდეგ გამოდის.

როგორც სანდრო ბრეგაძემ მოძრაობა "ეროვნულების" წევრებთან ერთად გამართულ პრესკონფერენციაზე განაცხადა, ის და მისი თანამოაზრეები მოუწოდებენ საქართველოს მთავრობის წევრებს აღნიშნულ საკითხთან დაკავშირებით საკუთარი პოზიცია დააფიქსირონ. მოძრაობის წევრები მოითხოვენ, რომ ყოფილი პრემიერ-მინისტრის ირაკლი ღარიბაშვილის ინიციატივა, რომელიც ოჯახის განმარტებას ეხებოდა, მოქმედმა მთავრობამ განახორციელოს.

"ჩვენ არ ვსაუბრობთ, რომ სექსუალური უმცირესობები უნდა იდევნებოდნენ. ჩვენ მოვითხოვთ, რომ არ დაკანონდეს ერთსქესიანთა ქორწინება. ყოფილ პრემიერს ჰქონდა ინიციატივა, კონსტიტუციაში გაკეთებულიყო ჩანაწერი, რომ ოჯახი არის ქალისა და კაცის ერთობა. ჩვენ ვითხოვთ მოქმედი მთავრობის წევრებმა დააფიქსირონ საკუთარი პოზიცია ამ საკითხზე და ასევე გაჩნდეს ჩანაწერი რათა სამომავლო პროვოკაციები იქნას თავიდან აცილებული", - განაცხადა სანდრო ბრეგაძემ.

მოძრაობა "ეროვნულების" თავმჯდომარის ინფორმაციით, საქართველოში ერთსქესიანთა ქორწინების დასაშვებად სამართლებრივი ბრძოლის დაწყების უკან გარკვეული პოლიტიკური ჯგუფები დგანან მათ შორის "ერთიანი ნაციონალური მოძრაობა".

"მე როგორც მთავრობის წევრი პირველ რიგში მთავრობისგან ვითხოვ პოზიციის დაფიქსირებას. ასეე მაინტერესებს კოალიციაში შემავალი სუბიექტების პოზიცია. რაც შეეხება იმას, ღიად თუ რომელი პოლიტიკური პარტია უჭერს მხარს, ეს არის "ნაციონალური მოძრაობის" ე.წ. თავისუფალი ინსტიტუტის ფრთა – გიგა ბოკერიას და ლევან რამიშვილის ხელმძღვანელობით", - განაცხადა სანდრო ბრეგაძემ.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება