NATO-ს კვირეულის ფარგლებში, შავი ზღვის საერთაშორისო უნივერსიტეტში ნატო-ევროკავშირის აუდიტორია გაიხსნა.
როგორც ”ინტერპრესნიუსს” შავი ზღვის უნივერსიტეტიდან აცნობეს, უნივერსიტეტში ჩატარებულ ღონისძიებას ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოადგილე არჩილ ყარაულაშვილი, ნატო-სა და ევროკავშირის შესახებ საინფორმაციო ცენტრის დირექტორის მოვალეობის შემსრულებელი ირინა შამილაძე და ნატო-სა და ევროკავშირის შესახებ საინფორმაციო ცენტრის წარმომადგენელი ნინო მაღრაძე-ჯანჯღავა ესწრებოდნენ.
შეხვედრის თემა ქვეყნის ევროატლანტიკური ინტეგრაციის პროცესის მიმოხილვა, ამ პროცესში NATO-ს მტკიცე მხარდაჭერა და საქართველოს ჩრდილო-ატლანტიკურ ალიანსში გაწევრიანების სტრატეგია იყო.