ევროპის ლიგის ფლეიოფში "დინამო არენაზე" თბილისის „დინამო“ ბერძნულ პაოკთან ანგარიშით 0:3 განადგურდა. მატჩში პირველი გოლი მეოცე წუთზე ლეონარდო მატოშმა გაიტანა, ხოსე ანხელ კრესპომ ბერძნები ორბურთიანი სხვაობით 71-ე წუთზე დააწინაურა, მესამე გოლი კი „დინამოს“ კარში გარი როდრიგესმა გაიტანა.

„დინამომ“ მატჩი შემდეგი შემადგენლობით ჩაატარა: სკრიბე, ამისულაშვილი, რენე სანტოსი, უჩა ლობჟანიძე (თევზაძე), ჭელიძე, ცინცაძე (ალვარო), პარუნაშვილი, ჭანტურიშვილი, კიტეიშვილი, ჯიღაური და პაპუნაშვილი (დვალიშვილი).

აღსანიშნავია, რომ მეორე ტაიმის მიმდინარეობისას ერთმანეთს დაუპირისპირდნენ „დინამოს“ ფანკლუბები - "გლადიატორი" და "ელიტა". სიტუაცია პოლიციამ განმუხტა. მატჩის დასრულების შემდეგ მოედანზე ორი გულშემატკივარი შევარდა, თუმცა ისინი დაცვამ მოედნიდან გაიყვანა.

განმეორებითი შეხვედრა 25 აგვისტოს საბერძნეთში გაიმართება. "დინამოს" შემდეგ ეტაპზე გასასვლელად მინიმუმ სამბურთიანი სხვაობით გამარჯვება ესაჭიროება.