”ქართული ოცნება დემოკრატიული საქართველოს” სიის პირველმა ნომერმა და პარტიის თავმჯდომარე გიორგი კვირიკაშვბილმა, ”ექსპო ჯორჯიაში” დამსწრე საზოგადოებას პარტიის საარჩევნო პროგრამა წარუდგინა.

დემოკრატიული განვითარება, ეკონომიკური განვითარება, სოციალური განვითარება, საგარეო ურთიერთობები, უსაფრთხოება და თავდაცვა - ეს ის ძირითადი მიმართულებებია, რომელზე გიორგი კვირიკაშვილმა ყურადღებაც გაამახვილა.

პარტიის პირველი ნომრის განცხადებით, მოქმქედმა ხელისუფლებამ ბოლო ოთხი წლის განმავლობაში მნიშვნელოვანი რეფორმები განახორციელა, რამაც ქვეყნის ცხოვრებაში გარდამტეხი როლი ითამაშა.

კვირიკაშვილის თქმით, მნიშვნელოვანია მთავრობის ოთხპუნქტიანი გეგმის განხორციელება, რაც ქვეყნის სწორად განვითარებასა და საზოგადოების კეთილდღებას მნიშვნელოვნად დაეხმარება.

”პრიორიტეტული იქნება მცირე და საშუალო ბიზნესის ხელშეწყობა, მეწარმეობისა და ახალი ბიზნესის წახალისება, სოფლის მეურნეობის განვითარება და მსოფლიო ეკონომიკურ სისტემაში ქვეყნის ინტეგრირება; გამყარდება ქვეყნის უსაფრთხოება და საქართველოს რეგიონალური პოზიციები, კიდევ უფრო გაღრმავდება ევროკავშირსა და ნატოსთან ინტეგრაციის პროცესები; საგარეო პოლიტიკის დღის წესრიგის მთავარი თემა იქნება ოკუპირებული რეგიონების არაღიარების პოლიტიკა და, საერთაშორისო თანამეგობრობის ჩართულობით, ქვეყნის დეოკუპაციის მიღწევა. გაგრძელდება მუშაობა აფხაზებსა და ოსებთან პირდაპირი დიალოგისა და შერიგების პროცესის დასაწყებად. ქვეყნის გამთლიანება მოხდება მშვიდობიანი გზით, რომელსაც ალტერნატივა არა აქვს. პარტია ,,ქართულ ოცნება - დემოკრატიული საქართველო“ მოახდენს გარღვევას ქვეყნის განვითარებაში და ხალხთან ერთად მიაღწევს ყველა დასახულ მიზანს”,- განაცხადა გიორგი კვირიკაშვილმა.