რუსთავში წიგნის მაღაზია „ლიბრა“ გაქურდეს

რუსთავში, მეგობრობის გამზირზე, წიგნის მაღაზია „ლიბრა“ გაქურდეს. შემთხვევა წუხელ მოხდა. როგორც „ლიბრას“ თანამშრომლები აცხადებენ, მაღაზიიდან 700 ლარია წაღებული.

აღსანიშნავია, რომ წუხელვე სავარაუდოდ იგივე პირები „ლიბრას“ გვერდით არსებულ ტანსაცმლის მაღაზია „ტისუშიც“ შევიდნენ, თუმცა სალაროში თანხა არ დახვდათ.

„წუხელ დაცვის სამსახურში სიგნალი შევიდა. როდესაც დაცვის თანამშრომლები ადგილზე მოვიდნენ, მაღაზიის კარის მინა ჩამტვრეული დახვდათ და სალაროდან 700 ლარი იყო წაღებული. გვერდით მაღაზიაშიც შესულან, თუმცა როგორც ვიცი, იქ თანხა არ იყო, ნივთები კი ხელუხლებელი დაუტოვებიათ. ჩვენი მაღაზიიდან მხოლოდ თანხა წაიღეს, წიგნებისთვის ხელი არ უხლიათ“, - განაცხადა „ლიბრას“ თანამშრომელმა ნანა ხაჩიძემ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს