შპს "ართანა-ლოპოტას" წარმომადგენლები მოსახლეობის იმ ნაწილს შეხვდნენ, რომლებიც დღეს, თელავის მუნიციპალიტეტის შენობასთან, სოფელ ართანაში ჰიდროელექტროსადგურის მშენებლობას აპროტესტებდნენ.
როგორც ”ინტერპრესნიუსის” კორესპონდენტი იუწყება, კომპანიის წარმომადგენლები მოსახლეობის პოზიციას არ იზიარებენ. მათი განცხადებით, ჰესის მშენებლობის პარალელურად დაგეგმილია სხვადასხვა პროექტების განხორციელება, რომელიც სოფლად მნიშვნელოვანი ინფრასტრუქტურის განვითარებას ითვალისწინებს. კომპანია პირობას დებს, რომ ჰესის მშენებლობის შემთხვევაში სოფელში ახალ ამბულატორიას ააშენებენ, სანიაღვრე არხებს მოაწყობენ და ათობით ადგილობრივს დაასაქმებენ.
სოფელ ართანის მიმდებარედ განსახორციელებელი პროექტის ხანგრძლივობა 24 თვეა და მისი განხორციელება უახლოეს პერიოდში იგეგმება.