ადვოკატი - მერაბ ღოღობერიძე ამბობს, რომ მასთან მაღალი თანამდებობის პირი იმყოფებოდა, რომელმაც ბათუმის არეულობის ორგანიზატორად სუსი-ს თანამშრომლის, ვინმე ყიფიანის დასახელება მოსთხოვა

ბათუმის არეულობის ორგანიზებაში ბრალდებულ მერაბ ღოღობერიძის ადვოკატის, პაატა შავაძის განცხადებით, მისი დაცვის ქვეშ მყოფი ფიქრობს, რომ ის სუს-სა და შსს-ს შორის არსებულ დაპირისპირებას შეეწირა.

როგორც შავაძემ ჟურნალისტებთან საუბრისას განაცხადა, მერაბ ღოღობერიძე ამბობს, რომ წინასწარი დაკავების დაწესებულებაში მასთან ერთ-ერთი მაღალი თანამდებობის პირი იმყოფებოდა, რომელმაც 20 ათასიანი გარაოს სანაცვლოდ მერაბ ღოღობერიძეს ბათუმში მომხდარი არეულობის ორგანიზატორად სუსი-ს თანამშრომლის, ვინმე ყიფიანის დასახელება მოსთხოვა.

,,შევხვდი ჩემი დაცვის ქვეშ მყოფს ქუთაისის მეორე სასჯელაღსრულების დაწესებულებაში. მქონდა საუბარი იმ ინფორმაციასთან დაკავშირებით, რომელიც მერაბ ღოღობერიძემ აჭარაში სახალხო დამცველის წარმომადგენელს მიაწოდა. ღოღობერიძის განმარტებით, 2017 წლის 25 აპრილს მასთან იმყოფოდა თანამდებობის პირი, რომლის სახელს და გვარს მისი უსაფრთხოებიდან გამომდინარე ჯერჯერობით არ ამხელს. ამ პიროვნებამ ღოღობერიძეს წინასწარი დაკავების დაწესებულებაში მიმდინარე საქმის გამომძიებლის, უჩა კახიძის გამოძახება მოსთხოვა, რომლისთვისაც უნდა მიეცა ჩვენება. ამ ჩვენების მიხედვით ღოღობერიძეს უნდა ემხილა სახელმწიფო უსაფრთხოების სამსახურის თანამშრომელი, ვიღაც ყოფიანი, როგორც აჭარაში არეულობის დამკვეთი, რომელიც 11-12 მარტს მოხდა. შესაბამისად, მერაბ ღოღობერიძის პასუხი ამ მითითებაზე იყო უარყოფითი.

მერაბ ღოღობერიძეს მიაჩნია და განმარტავს, რომ არეულობა, რომელიც აჭარაში მოხდა, ეს იყო დაპირისპირება სუს-სა და შსს -ს შორის. ის შეეწირა ამ ორ უწყებას შორის დაპირისპირებას", - განაცხადა პაატა შავაძემ ჟურნალისტებთან საუბრისას.

ბათუმის საქალაქო სასამართლომ ბათუმის 11-12 მარტის მოვლენებთან დაკავშირებით მერაბ ღოღობერიძეს და ირკლი ჩხვრიკიას ორთვიანი წინასწარი პატიმრობა შეუფარდა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს