ბათუმის მოვლენებზე სისხლის სამართლის ბრალდებით დაკავებული 8 პირის, გიორგი გუბელაძის, მინდია ბერიძის, მალხაზ ბერიძის, შოთა გორგაძის, რევაზ ქერქაძის, გოდერძი გორგილაძის, შალვა ფევაძის, ლაშა დეკანაძის სასამართლო პროცესი 23 ივნისს 14.00 საათზე განახლდება.

მოსამართლე ირაკლი შავაძემ ჰაბიტოსკოპიური ექსპერტიზის დასკვნა დასაშვებად სცნო. როგორც ერთ-ერთი ბრალდებულის ადვოკატი დავით ჯაფარიძე აცხადებს, დღევანდელ სხდომაზე მხარეებმა შესავალი სიტყვა თქვეს, თუმცა, მოწმეები არ დაკითხულან.

ბრალდებულები წინასწარ პატიმრობაში იმყოფებიან. დღეს სასამართლო სხდომაზე დაკავებულების ოჯახის წევრებმა და ბრალდებულებმა პროტესტის ნიშნად დარბაზი დატოვეს და ბათუმის საქალაქო სასამართლოსთან აქცია გამართეს, მოგვიანებით კი ჭავჭავაძის ქუჩა გადაკეტეს და დაკავებულების გათავისუფლებას ითხოვდნენ.