იერუსალმიში, უფლის საფლავზე არსებულ ტაძარში წმინდა ცეცხლი გადმოვიდა.

ცეცხლი იერუსალიმის პატრიარქის თეოფილეს უფლის საფლავზე ლოცვების შემდეგ გადმოვიდა.

ქრისტიანობისთვის მთავარი სიწმინდის ადგილზე 15 ათასამდე მომლოცველი დილაადრიან შეიკრიბა. ისინი სკანდირებენ “აქსიოს (ბერძნულად “ღირსეული”) და სხვადასხვა ენაზე ლოცვით უფალს წმინდა ცეცხლის გადმოსვლას ევედრებიან.

იერუსალიმის პატრიარქი ტაძარში უფლის საფლავზე შესვლამდე შემოწმდა, რომ მას ცეცხლის ასანთებად არაფერი არ გააჩნია. თავად ტაძარში ჩააქრეს სინათლე და იქ მყოფები სასწაულს ელიან.

სხვადასხვა წელს წმინდა ცეცხლის გადმოსვლის დრო განსხვავებული იყო. ზოგჯერ ეს მოვლენა რამდენიმე წუთში ხდებოდა, ზოგჯერ კი წმინდა ცეცხლის გადმოსვლას საათები სჭირდებოდა.

ცეცხლის გადმოსვლამდე ტაძარი პერიოდულად გაელვებისმაგვარი სინათლით ნათდება, ზოგჯერ კი, თვითმხილველთა განცხადებით, სანთლები მლოცველთა ხელში მოულოდნელად ინთება.

წმინდა ცეცხლის გადმოსვლის შემდეგ იერუსალიმის პატრიარქი ცეცხლს მლოცველებს აძლევს და იგი მთელს ტაძარში მომენტალურად ვრცელდება.

წმინდა ცეცხლის გადმოსვლა წელიწადში ერთხელ მე-3 საუკუნიდან ხდება. მიაჩნევენ, რომ თუ ლოცვები ღვთის მიერ არ იქნება შესმენილი, ცეცხლი არ გადმოვა და ეს კაცობრიობისთვის ცუდი წინასწარმეტყველება იქნება, ტაძარი კი დაინგრევა. ამდენად, ადამიანების უმეტესობა, რომელებიც ტაძარშია მისული, წინასწარ უკვე ზიარებამიღებულია.

;

;