6-8 ოქტომბერს, ამბროლაურის მუნიციპალიტეტის მთავარ ბიბლიოთეკაში ბაჩანა ბრეგვაძის სახელობის ლიტერატურული კონკურსი ,,შემოდგომა რაჭაში - მწიგნობარი" გაიმართება.
როგორც „ინტერპრესნიუსს“ ეროვნული ბიბლიოთეკიდან აცნობეს, ლიტერატურული კონკურსი ეროვნული ბიბლიოთეკის მხარდაჭერით ტარდება. მასში სკოლის მოსწავლეები მიიღებენ მონაწილეობას. კონკურსანტები ცხრა ნომინაციაში შეავსებენ ტესტებს. კერძოდ, ისტორიული რომანი; კლასიკოსები; პოეზია, უპირველეს ყოვლისა! მეოცე საუკუნის მოთხრობა; თანამედროვე მწერლობა; პუბლიცისტიკა; საბავშვო მოთხრობა; თავისუფალი თემა; ბაჩანა ბრეგვაძე და მისი მრავალმხრივი შემოქმედება. გამარჯვებულებს საჩუქრები გადაეცემათ.