რუსთავში, თოდრიას ქუჩაზე მდებარე ლომბარდი გაძარცვეს. შემთხვევა ცოტა ხნის წინ მოხდა. წინასწარი ინფორმაციით, დაუდგენელი პირების ლომბარდში შეჭრისას ადგილზე მხოლოდ მოლარე გოგონა იმყოფებოდა.

ჯერჯერობით გაურკვეველია, თუ რა ოდენობის თანხაა გატაცებული. წინასწარი ინფორმაციით კი, თანხასთან ერთად, წაღებულია მობილური ტელეფონებიც.

როგორც ,,ინტერპრესნიუსს“ შსს-ში განუცხადეს, ფაქტთან დაკავშირებით სისხლის სამართლის საქმე 178-ე მუხლითაა აღძრული, რაც ძარცვას გულისხმობს. უწყების ინფორმაციით, ამ დროისათვის მიმდინარეობს ინტენსიური საგამოძიებო მოქმედებები.