მადლობა ღმერთს, მიხეილ სააკაშვილი ქართულ პოლიტიკაში აქტუალური აღარ არის, - ამის შესახებ პარლამენტის თავმჯდომარე ირაკლი კობახიძემ ჟურნალისტებს განუცხადა.

კობახიძის თქმით, სააკაშვილის საქართველოში ექსტრადირების საკითხი მხოლოდ სამართლებრივ ჭრილში უნდა გადაწყდეს და ამ მიმართულებით არანაირი პოლიტიკური ინტერესი არ არსებობს.

“ექსტრადირების საკითხი არავითარ შემთხვევაში არ უნდა იყოს და არც გახდება პოლიტიკური შეთანხმების საგანი. ეს ჩვენთვის სამართლებრივი საკითხია და სამართლებრივ ჭრილში განიხილება. ჩვენ არანაირი პოლიტიკური ინტერესი არ გვაქვს“, - აღნიშნა ირაკლი კობახიძემ.