სოფლის მეურნეობის მინისტრის მოადგილის გიორგი ხანიშვილის განცხადებით, აზიური ფაროსანას წინააღმდეგ 2018 წლის სამოქმედო გეგმა სამ მიმართულებას მოიცავს. „2018 წლის სამოქმედო გეგმა ძირითადად მოიცავს სამ გენერალურ მიმართულებას - სრული მონიტორინგი საქართველოს მასშტაბით, სახელმწიფოს მიერ საჯარო სექტორის დამუშავება და კერძო სექტორის მიერ მათ მფლობელობაში არსებული ნაკვეთების დამუშავება სათანადო ინსექტიციდებით", - განაცხადა გიორგი ხანიშვილმა.

რაც შეეხება აზიური ფაროსანას ბიოლოგიური მტრის შემოყვანას, მინისტრის მოადგილის თქმით, ეს მოხდება მხოლოდ სათანადო ლაბორატორიული კვლევების და მეცნიერების ჩართულობით.