გია ხუხაშვილი - დავით ნარმანია დიდი გაუგებრობა იყო, როგორც მერი, როგორც სემეკ-ის თანამშრომელი კი შეიძლება შესაფერისი იყოს, რადგან კვალიფიციური ეკონომისტია

შემიძლია ვივარაუდო, რომ დავით ნარმანიას კანდიდატურასთან დაკავშირებით პრეზიდენტსა და მთავრობას შორის გარკვეული შეთანხმება მოხდა, - ამის შესახებ ”ინტერპრესნიუსს” ექსპერტმა გია ხუხაშვილმა პრეზიდენტის მიერ სემეკ-ის წევრის თანამდებობაზე დავით ნარმანიას კანდიდატურის წარდგენის კომენტირებისას განუცხადა.

ხუხაშვილის განცხადებით, ის ამ შეთანხმებაში პოზიტიურ ფაქტორებს უფრო ხედავს ვიდრე ნეგატიურს. რაც შეეხება ნარმანიას კანდიდატურას, ექსპერტი მიიჩნევს, რომ ის ამ თანამდებობაზე უფრო შესაფერისია, ვიდრე მერად, რადგან, მისი თქმით, ნარმანია კვალიფიციური ეკონომისტია.

”შემიძლია ვივარაუდო, რომ ნარმანიას კანდიდატურასთან დაკავშირებით პრეზიდენტსა და მთავრობას შორის გარკვეული შეთანხმება მოხდა, გამომდინარე იქიდან, რომ პროცედურა ორივე მხარის მონაწილეობას გულისხმობს და გარკვეული კომპრომისი იქნა კვოტების გადანაწილებით მიღწეული. პოლიტიკში ასეთი რაღაცეები ხდება, შესაძლოა ყურს და თვალს სჭრიდეს, მაგრამ ასეთია პოლიტიკა.

სასურველი იყო, ინსტიტუტებს შორის ამ ტიპის თანამშრომლობა, სხვა საკითხებზეც ყოფილიყო და ეს ოთხი წელი წყალში არ გადაეყარათ. მე ასეთი ტიპის შეთანხმებას უფრო პოზიტიურად შევხედავდი, ვიდრე ნეგატიურად, რომ არ იყოს ის რამდენიმე წელი, რომელიც უაზრო კინკლაობაში დაიკარგა.

რაც შეეხება ნარმანიას კანდიტატურას, ის იყო დიდი გაუგებრობა, როგორც მერი, ხოლო, როგორც სემეკ-ის თანამშრომელი, ის შეიძლება შესაფერისი იყოს, რადგან საკმაოდ კვალიფიციური ეკონომისტია”, - განაცხადა გია ხუხაშვილმა.

როგორც ცნობილია, საქართველოს პრეზიდენტმა სემეკ-ის წევრის ვაკანტურ თანამდებობაზე თბილისის ყოფილი მერის, დავით ნარმანიას კანდიდატურა წარადგინა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს