სავაჭრო-სამრეწველო პალატამ პორტუგალიურ მხარესთან მემორანდუმი გააფორმა

საქართველოს სავაჭრო-სამრეწველო პალატამ პორტუგალიურ მხარესთან მემორანდუმი გააფორმა. ამის შესახებ „ინტერპრესნიუსს“ საქართველოს სავაჭრო-სამრეწველო პალატიდან აცნობეს. მათივე ცნობით, სავაჭრო-სამრეწველო პალატის პრეზიდენტმა პორტუგალიაში, მესამე საერთაშორისო ბიზნეს-შეხვედრაში მიიღო მონაწილეობა. ღონისძიება გუშინ, ქალაქ ლისაბონში გაიმართა.

ბიზნეს-შეხვედრის ფარგლებში გაფორმდა ურთიერთთანამშრომლობის მემორანდუმი საქართველოსა და პორტუგალიის (Portuguese Industrial Association – Chamber of Commerce and Industry (AIP-CCI)) სავაჭრო-სამრეწველო პალატებსა და პორტუგალიურენოვანი ქვეყნების თანამეგობრობის ბიზნეს-კონფედერაციას (Business Confederation of the CPLP (CE-CPLP)) შორის.

ხელმოწერის ცერემონიალის შემდეგ გაიმართა ასევე ორმხრივი შეხვედრა საქართველოსა და პორტუგალიის სავაჭრო-სამრეწველო პალატების ხელმძღვანელ პირებს შორის.

გაფორმებული დოკუმენტი მხარეებს შორის სამომავლო თანამშრომლობის ერთგვარი გარანტიაა. ეს კოოპერაცია ხელს შეუწყობს ქვეყნებს შორის სავაჭრო და ეკონომიკური ურთიერთობის გამყარებას. ასევე, ქვეყნების ბიზნეს-წრეებს შორის საქმიანი ურთიერთობების ჩამოყალიბებას.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა