საქართველოს დელეგაციამ პოლონეთის ქალაქ კარპაჩის ინდუსტრიულ ფორუმში მიიღო მონაწილეობა, სადაც ფორუმის მონაწილეებს საქართველოს საინვესტიციო პოტენციალი გააცნეს. როგორც „ინტერპრესნიუსს“ საგარეო საქმეთა სამინისტროს პრესსამსახურიდან აცნობეს, ღონისძიების მონაწილეებს სიტყვით პოლონეთში საქართველოს საგანგებო და სრულუფლებიანმა ელჩმა ილია დარჩიაშვილმა მიმართა. მან ადგილობრივ პოლიტიკოსებს და ბიზნესის წარმომადგენლებს საქართველოს ეკონომიკური განვითარების, საინვესტიციო პოტენციალის და საერთაშორისო რეიტინგებში ქვეყნის მნიშვნელოვან პოზიციებზე ისაუბრა.
კონფერენციაზე სიტყვით ასევე გამოვიდა აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე. მან ფორუმის მონაწილეებს გააცნო აჭარაში არსებულ საინვესტიციო გარემო და ტურისტული შესაძლებლობები.
ფორუმს პოლონელი პოლიტიკოსები და ბიზნეს წრეების წარმომადგნელები დაესწრნენ.