ფოთის პორტში სპილენძის ჯართის უკანონოდ განკარგვის ფაქტი გამოვლინდა

ფოთის პორტში სპილენძის ჯართის უკანონოდ განკარგვის ფაქტი გამოვლინდა, - ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს.

საბაჟო გამშვებ პუნქტში „ფოთისა და ყულევის პორტები და ფოთის თავისუფალი ინდუსტრიული ზონა“ ფინანსთა სამინისტროს შემოსავლების სამსახურის მებაჟე ოფიცრებმა წინასწარ შესწავლილი რისკების ანალიზის საფუძველზე, სომხეთიდან აშშ-ში ტრანზიტულად გადასაზიდი საბაჟო კონტროლს ქვემდებარე საქონლის, კერძოდ, 16.96 ტონა სპილენძის ჯართის უკანონოდ განკარგვის ფაქტი გამოავლინეს.

მათივე ინფორმაციით, საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს შესაბამის საგამოძიებო ორგანოს გადაეცა.