ახალი ფრაქციის შექმნასთან ერთად მის საბიუჯეტო უზრუნველყოფას პარლამენტის რეგლამენტი ითვალისწინებს, - ამის შესახებ პარლამენტის საფინანსო-საბიუჯეტო კომიტეტის თავმჯდომარემ ირაკლი კოვზანაძემ განაცხადა.

"პარლამენტის რეგლამენტი ითვალისწინებს ახალი ფრაქციის შექმნასთან ერთად მის საბიუჯეტო უზრუნველყოფას. ეს არის გარკვეული მცირე აპარატი ფრაქციისთვის, ტექნიკური უზრუნველყოფა. არ მგონია, რომ ეს მნიშვნელოვანი ტვირთი იყოს პარლამენტის ბიუჯეტისთვის. ამ პროცედურებს პარლამენტის რეგლამენტი ითვალისწინებს და იქ დეტალურადაა ეს გაწერილი", - განაცხადა კოვზანაძემ.

როგორც ფრაქცია ”ქართული ოცნების” ლიდერმა, მამუკა მდინარაძემ ჟურნალისტებს გუშინ განუცხადა, უმრავლესობაში ორი ახალი ფრაქცია იქმნება და უმრავლესობა გადახალისებული შემადგენლობით საგაზაფხულო სესიაზე წარსდგება.