სავაჭრო ცენტრმა „თბილისი მოლი“ ძაღლების გამოფენას უმასპინძლა. ღონისძიება საქართველოს ვეტერინარ ექიმთა გაერთიანებული ასოციაციის ინიციატივით, ვეტერინარულ სავაჭრო ცენტრ MY VET.GE-სა და „თბილისი მოლის“ მხარდაჭერით ჩატარდა, რომელიც 2018 წელს -ძაღლის წელს მიეძღვნა. გამოფენაზე 20-ზე მეტი ჯიშის ძაღლი იყო წარმოდგენილი. ასევე მოეწყო გასართობი აქტივობები.

საქართველოს ვეტერინარ ექიმთა გაერთიანებული ასოციაციის პრეზიდენტ ლალი ვაშაკიძის განცხადებით, გამოფენა ემსახურება საზოგადოებაში ცნობიერების ამაღლებას ცხოველის მოვლა-შენახვის შესახებ. მისივე თქმით, ადამიანებს რომლებსაც ჰყავთ ან სურთ შეიძინონ ცხოველი, შეუძლიათ ვეტერინარ ექიმთა გაერთიანებული ასოციაციის უფასო კონსულტაციით ისარგებლონ.

„ვეტერინარ ექიმთა გაერთიანებული ასოციაციის ინიციატივით და „თბილისი მოლის“ დახმარებით ვაწყობთ ამ შეხვედრას ძაღლების მეპატრონეებთან, ასევე იმ ადამიანებთან, რომლებსაც სურთ, რომ შეიძინონ ცხოველები. ჩვენ, ვეტერინარები ყველას უფასო კონსულტაციებით დავეხმარებით. ამისთვის საჭიროა მომართონ ჩვენს ასოციაციას, სადაც ბევრი ვეტეტინარი ექიმია გაერთიანებული“, - განაცხადა ლალი ვაშაკიძემ.

ვეტერინარული ასოციაციის მიზანია საზოგადოებას მიაწვდინოს ხმა ძაღლების მოვლა-პატრონობასა და პასუხისმგებლობაზე, ვინაიდან ხელი შეუწყოს ევროსტანდარტების დანერგვას საქართველოში.

გამოფენის მედიამხარდამჭერი არის Zooclub.ge.

იხილეთ ვიდეო: ძაღლების გამოფენა თბილისში