იურიდიულ საკითხთა კომიტეტი „ღია პარლამენტის სამოქმედო გეგმით - OGP“ გათვალისწინებული ცალკეული ვალდებულებების შესრულებაზე მუშაობს

იურიდიულ საკითხთა კომიტეტის თავმჯდომარემ ეკა ბესელიამ „ღია პარლამენტის სამოქმედო გეგმით - OGP“ გათვალისწინებული ცალკეული ვალდებულებების შესრულებასთან დაკავშირებით შეხვედრა გამართა, რომელშიც კომიტეტის თავმჯდომარესთან ერთად, კომიტეტის აპარატისა და არასამთავრობო ორგანიზაციების წარმომადგენლები მონაწილეობდნენ.

როგორც „ინტერპრესნიუსს“ პარლამენტიდან აცნობეს, შეხვედრაზე საქართველოს პარლამენტის რეგლამენტში შესატანი ცვლილებები განიხილეს, რომელიც შეეხება შემდეგ საკითხებს: მოქალაქეთა კომენტარებზე უკუკავშირის მექანიზმების დანერგვა; პეტიციების ელექტრონული ფორმით წარდგენა; მოქალაქეთა მიერ საკანონმდებლო ინიციატივის განხორციელების დროს ხელმოწერების ელექტრონული ფორმით შეგროვება.

კომიტეტის თავმჯდომარის, ეკა ბესელიას ინფორმაციით, სამივე საკითხზე მალე დასრულდება შესაბამისი ცვლილებების მომზადება.