აშშ-ს თავდაცვის მდივნის ჯეიმს მეტისის განცხადებით, ჩრდილოეთ კორეის კონტინენტთაშორისო ბალისტიკური რაკეტები მისი ქვეყნისთვის საფრთხეს არ წარმოადგენენ.

ამის შესახებ სააგენტო „როიტერსი“ იუწყება.

„ჯერ არ არის დადგენილი, რომ ჩვენთვის რეალური, მძლავრი საფრთხე არსებობს. ჩვენ ჯერ კიდევ ვატარებთ ჩრდილოეთ კორეის მიერ რაკეტის ბოლო გაშვების ტექნიკურ ანალიზს“, - აღნიშნა აშშ-ს თავდაცვის მდივანმა.

როგორც ცნობილია, 28 ნოემბერს ჩრდილოეთ კორეამ კონტინენტთაშორისო ბალისტიკური რაკეტის Hwasong-15-ის წარმატებული გაშვების შესახებ განცხადება გააკეთა.

როგორც ჩრდილოეთ კორეაში აღნიშნეს, ეს ყველაზე მძლავრი რაკეტაა და მას შეუძლია აშშ-ს ტერიტორიას მიაღწიოს.