გიორგი ჩოგოვაძე - GEM FEST 2018-ის ორგანიზატორებს ეკონომიკის სამინისტროსთვის ფინანსური დახმარებისთვის არ მიუმართავთ

ტურიზმის ეროვნული ადმინისტრაციის ხელმძღვანელი გიორგი ჩოგოვაძე აცხადებს, რომ GEM FEST 2018-ის ორგანიზატორებს ეკონომიკისა და მდგრადი განვითარების სამინისტროსთვის ფინანსური დახმარებისთვის არ მიუმართავთ.

როგორც „ინტერპრესნიუსს“ გიორგი ჩოგოვაძემ  განუცხადა, როგორც მისთვის არის ცნობილი, GEM FEST 2018-ის ორგანიზატორებმა უკვე დაიწყეს მოსამზადებელი სამუშაოები, მათ შორის ბილეთების გაყიდვაც.

„საქართველოს ეკონომიკის სამინისტროს ტურიზმის ეროვნულ ადმიანისტრაციასთან ამ ფესტივალის ორგანიზატორებს არანაირი მიმართვა ან ინფორმირება არ განუხორციელებიათ. ჩვენთან არც რაიმე ტიპის მხარდაჭერაზე, მათ შორის, არც ფინანსურ მხარდაჭერაზე არანაირი კომუნიკაცია არ ყოფილა“, - განაცხადა ჩოგოვაძემ.

თუმცა, ტურიზმის ეროვნული ადმინისტრაციის ხელმძღვანელი აცხადებს, რომ ფესტივალის ორგანიზატორებს მიმართვის ვალდებულება არ ჰქონდათ.

„ვალდებულება, რა თქმა უნდა, არ ჰქონდათ მოემართათ ჩვენთვის. ეს არის აბსოლუტურად კერძო პროექტი და არც აქვთ ვალდებულება თავიანთი გეგმების შესახებ საქმის კურსში ჩაგვაყენონ. თუმცა, ყველაზე მნიშვნელოვანი რაც არის, ფინანსური დახმარების საკითხი, არც მოუმართავთ და არც განგვიხილავს ეს შესაძლებლობა, რომ 2018 წელს ფინანსური მხარდაჭერა გავუწიოთ“, - განაცხადა ჩოგოვაძემ.

რაც შეეხება სამართლებრივ პროცესს, რაც GEM FEST 2018-თან დაკავშირებით მიმდინარეობს, ჩოგოვაძე კომენტარის გაკეთებისგან თავს იკავებს.

„სამართლებრივ საკითხზე კომენტარის გაკეთება გამიჭირდება, ამაში ჩვენი კოლეგა უწყებებია ჩართული და ამის შესახებ ინფორმაცია არ გაგვაჩნია“, - განაცხადა ჩოგოვაძემ.

ცნობისთვის, GEM FEST 2018-ის ორგანიზატორებმა ფესტივალის ჩატარებისთვის მზადება დაიწყეს. არსებული ინფორმაციით, ფესტივალი 9-12 აგვისტოს ჩატარდება.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო