ამერიკის პრეზიდენტის ქალიშვილს ივანკა ტრამპსა და მის მეუღლეს ჯარედ კუშნერს საშემოსავლო დეკლარაციის შედგენისას მათი ფინანსური აქტივების შესახებ ინფორმაციის უკანონო დაფარვასთან დაკავშირებით ადანაშაულებენ. გაზეთი Politico იტყობინება, რომ სარჩელი ამასთან დაკავშირებით აშშ-ს საოლქო სასამართლოში ვაშინგტონში ადვოკატმა ჯეფრი ლოვიტკიმ შეიტანა.

სარჩელში ხაზგასმულია, რომ ტრამპმა და კუშნერმა არ მიუთითეს მონაცემები აქტივებზე, რომელიც მათ სახელთან დაკავშირებულ 30 საინვესტიციო ფონდს ეკუთვნის. ამის მიზეზად კი ის დაასახელეს, რომ ამ ინფორმაციის გასაჯაროება ადრე ხელმოწერილ შეთანხმებას კონფიდენციალურობაზე დაარღვევდა. თუმცა, სარჩელში მითითებულია, რომ სახელმწიფო სტრუქტურებში ეთიკური ნორმების დაცვის შესახებ კანონი „არ აძლევს უფლებას პირს დეკლარაციის შევსებისას დაფაროს ინფორმაცია მის აქტივებთან დაკავშირებით, იმის გამო, რომ ადრე დადებული შეთანხმება ინფორმაციის გაუთქმელობის შესახებ დაირღვევა“.

თეთრი სახლის პრესსამსახური ამ ბრალდებას ჯერ არ გამოხმაურებია.