ამ ეტაპზე პოლიციელთა ბრალეულობაზე საუბარი არასერიოზული იქნება, - ასე უპასუხა შს მინისტრის მოადგილე ნათია მეზვრიშვილმა ჟურნალისტის კითხვას იმის შესახებ, უნდა დადგეს თუ არა იმ პოლიციელთა პასუხისმგებლობის საკითხი, რომლებიც "ბირჟა მაფიას" წევრების საქმეში ფიგურირებდნენ.

"გადაწყვეტილებას უნდა გავეცნოთ დეტალურად. ვნახოთ, რა სამართლებრივი შეფასება მისცა ამ ყველაფერს პროკურატურამ, სასამართლომ და ამის შემდეგ მივიღოთ გადაწყვეტილება. ამ ეტაპზე პოლიციელთა ბრალეულობაზე საუბარი არასერიოზული იქნება, სანამ გადაწყვეტილებას არ ვნახავთ", - განაცხადა მინისტრის მოადგილემ.

შეგახსენებთ, რომ "ბირჟა მაფიას" წევრების მიმართ სისხლის სამართლებრივი დევნა შეწყდა.