ჩინეთის საგარეო საქმეთა სამინისტრო - აშშ-სთან ვაჭრობა არის სცენარი, სადაც ორივე სახელმწიფო მომგებიან პოზიციაშია

აშშ-სთან ვაჭრობა არის სცენარი, სადაც ორივე სახელმწიფო მომგებიან პოზიციაშია, - ამის შესახებ დღეს, ჩინეთის საგარეო საქმეთა სამინისტროს წარმომადგენელმა განაცხადა. ეს განცხადება გაკეთდა მანამდე, ვიდრე აშშ-ს პრეზიდენტი დონალდ ტრამპი ახალი ეროვნული თავდაცვის სტრატეგიას წარადგენს, რომელშიც ჩინეთი კონკურენტადაა მოხსენიებული.

ტრამპმა ჩინეთის ლიდერი სი ძინპინი რამდენჯერმე შეაქო, თუმცა, ამავდროულად მოითხოვა, რომ პეკინმა გაზარდოს ზეწოლა ჩრდილოეთ კორეაზე მის ბირთვულ პროგრამასთან დაკავშირებით, ასევე, შეცვალოს სავაჭრო სტრატეგია, რათა ის უფრო მისაღები იყოს შეერთებული შტატებისთვის.

ჩინეთის საგარეო საქმეთა სამინისტროს ოფიციალიური წარმომადგენლის თქმით, სანამ სტრატეგია არ გამოქვეყნდება, კომენტარს ვერ გააკეთებს, თუმცა ჩინეთი იმედოვნებს, რომ აღნიშნული სტრატეგია კონსტრუქციულ როლს ითამაშებს საერთაშორისო მშვიდობისა და სტაბილურობის შენარჩუნებაში, ასევე წაახალისებს ჩინეთსა და აშშ-ს შორის ორმხრივ ნდობას.

როგორც მან აღნიშნა, ჩინეთსა და აშშ-ს შორის სავაჭრო და ეკონომიკური ურთიერთობები ორივე მხარისთვის მომგებიანია, რომელიც პირდაპირ და არაპირდაპირ გავლენას ახდენს აშშ-ში 2.6 მლნ სამუშაო ადგილზე.

„ჩვენ გვსურს ბეჯითად ვიმუშავოთ ამერიკულ მხარესთან, რათა ჩვენი თავი მივუძღვნათ ძლიერი, სტაბილური და ჯანსაღი სავაჭრო-ეკონომიკური ურთიერთობის მშენებლობას“, - განაცხადა მან.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს