საქართველოს ელჩი ყაზახეთის რესპუბლიკაში დააჯილდოეს

ყაზახეთის რესპუბლიკის საგარეო საქმეთა მინისტრის, კაირატ აბდრახმანოვის ინიციატივით, საქართველოს საგანგებო და სრულუფლებიანი ელჩი ყაზახეთის რესპუბლიკაში ზურაბ აბაშიძე „ყაზახეთის რესპუბლიკის დიპლომატიური სამსახურის 25 წლისთავთან“ დაკავშირებით, სამახსოვრო მედლით დააჯილდოვეს. ამის შესახებ ინფორმაციას საქართველოს საგარეო საქმეთა სამინისტრო ავრცელებს.

საგარეო უწყების ცნობით, საზეიმო ცერემონიის ფარგლებში, ხაზი გაესვა საქართველოსა და ყაზახეთს შორის ორმხრივი ურთიერთობების დადებით დინამიკას პოლიტიკური, სავაჭრო-ეკონომიკური, საინვესტიციო და კულტურულ-ჰუმანიტარული მიმართულებებით, მათ შორის აღინიშნა მიმდინარე წელს ყაზახეთში საქართვლოს პრეზიდენტის ვიზიტი. ასევე, ხაზგასმით აღინიშნა საერთაშორისო ორგანიზაციების ფორმატებში წარმატებული თანამშრომლობა და საერთაშორისო სპეციალიზებულ გამოფენა ექსპო-2017-ში საქართველოს მონაწილეობის მნიშვნელობა.

რესპუბლიკის საგარეო საქმეთა სამინისტრო სამახსოვრო მედალს ექსკლუზიურად გადასცემს ყაზახეთის რესპუბლიკის მოქალაქეებს და უცხოელ სამოქალაქო პირებს, ძირითადად პოლიტიკოსებსა და დიპლომატებს, ყაზახეთის რესპუბლიკასთან დიპლომატიური კავშირებისა და მეგობრული ურთიერთობების განმტკიცების საქმეში შეტანილი განსაკუთრებული წვლილისთვის.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან