ვაშინგტონის შტატში სამგზავრო მატარებლის რელსებიდან გადავარდნის შედეგად სულ მცირე სამი ადამიანი დაიღუპა, - ამის შესახებ ადგილობრივი მედია იუწყება.
მათივე ინფორმაციით, 77 ადამიანი პირსისა და თერსტონის ოლქების საავადმყოფოებში გადაიყვანეს. მათ შორის ოთხმა მძიმე ტრავმები მიიღო.
„ირგვლივ ყვირილის ხმა ისმოდა. მოგვიწია ფეხით გამოგვეტეხა მინა, რათა მატარებლის ვაგონიდან გამოვსულიყავით“, - აცხადებენ მგზავრები.
ინციდენტი, ბოლო ინფორმაციით, ქალაქებს - ლეიქვუდისა და ოლიმპიას შორის არსებულ გზაზე მოხდა. მატარებლის კომპანიის ინფორმაციით, მატარებელში 78 მგზავრი და ეკიპაჟის 5 წევრი იმყოფებოდა.