მიხეილ სააკაშვილი - იანუკოვიჩი იყო არაყი ან ვისკი, პოროშენკო არის ლუდი, რომლისგანაც უკრაინას ძლიერი ნაბახუსევი ექნება

უკრაინის პრეზიდენტი პეტრო პოროშენკო არის ლუდი, რომლისგანაც უკრაინას ძლიერი ნაბახუსევი ექნება, - ამის შესახებ ტელეარხ NewsOne-ის ეთერში საქართველოს ყოფილმა პრეზიდენტმა მიხეილ სააკაშვილმა განაცხადა.

„არსებობს ალკოჰოლი. ყველამ ვიცოდით, რომ იანუკოვიჩი ბოროტმოქმედია. არსებობს ვისკი. როდესაც შენ ვისკის ან არაყს სვამ, ორგანიზმის მობილიზაცია ხდება, ირთვება თავდაცვის რეჟიმი, ვინაიდან ორგანიზმი ხვდება, რომ ეს შხამი და საწამლავია. იცით, რომელია ყველაზე საშიში ალკოჰოლი? ლუდი. როდესაც ლუდს სვამ, მას მხოლოდ 12 გრადუსი აქვს, ორგანიზმი ფიქრობს, რომ ეს საკვებია, და შენ სმას აგრძელებ. აი იანუკოვიჩი იყო არაყი ან ვისკი. პოროშენკო კი ლუდია“, - განაცხადა სააკაშვილმა.

ოდესის ოლქის ყოფილმა გუბერნატორმა აღნიშნა, რომ ლუდმა ყველაზე ცუდი ნაბახუსევი იცის. სააკაშვილის თქმით, პოროშენკო უკრაინის ორგანიზმს წამლავს, როდესაც საკუთარ რიტორიკაში ნაციონალისტურ ლოზუნგებს იყენებს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა